Tarix: 10 İyul 2024 15:29 | Baxış sayı: 331
Pezeşkianı dəstəklədiklərinə görə iş adamları  cəzalandırıldı

Pezeşkianı dəstəklədiklərinə görə iş adamları cəzalandırıldı

Qərbi Azərbaycan əyalətinin mərkəzi Urmu şəhərində yerləşən Uryiad Moll kompleksinin onlarla mağazası bağlanıb.

Diaspora.TV xəbər verir ki, bu barədə yerli media fəalları və iş adamları sosial media kanallarında məlumat yayıblar.

"Məsud Pezeşkianın prezident seçilməsinə görə ticarət kompleksində şənlik mərasimi keçirilib və bundan sonra hökumət qüvvələri kompleksdə yerləşən mağazaların fəaliyyətinə qadağa qoyub, mağazaların qapılarını möhürləyiblər",- məlumatda bildirilib.

Fəallar və urmulu iş adamları Məsud Pezeşkianı dəstəklədiklərinə görə, hazırda hakimiyyətdə güclü mövqedə olan Səid Cəlili tərəfdarları tərəfindən cəzalandırıldıqlarını deyiblər.

Onlar seçki qabağı təbliğat zamanı da Pezeşkianı təbliğ etdiklərinə görə təzyiqlərə məruz qaldıqları və təhdid edildiklərini bildiriblər.

Qeyd edək ki, hakimiyyətdə mühafizəkar siyasi cərəyana mənsub qüvvələr Məsud Pezeşkianın prezident seçilməsindən sonra müxtəlif təxribatlara əl atırlar.

Bir gün əvvəl Türkiyə Prezidenti Rəcəb Tayyib Ərdoğanın Pezeşkianla 1 saatlıq telefon danışğından sonra Türk Hava Yollarının İrandakı ofisi bağlanıb.

Hökumət məmurları Türk Hava Yollarının ofisnə basqın edərək məcburi hicab qaydalarının pozulduğunu deyib, işçiləri təhqir ediblər.

Ofis işçilərinin etirazlarına baxmayaraq, məmurlar onları ofisdən çıxarıb və ofisin qapılarını möhürləyiblər.

Bunun Pezeşkianın məğlub rəqibi Səid Cəliliyə yaxın radikal mühafizəkarlar tərəfindən məqsədli şəkildə edildiyini ehtimal olunur./GünazTV

Şərhlər

Yaz...