“Gürcüstanda əsas problem Azərbaycan dilində yaxşı təhsilin olmaması, işsizlik və professional peşə kurslarının azlığıdır”.
Bu sözləri Diaspora.TV-yə açıqlamasında Gürcüstanda fəaliyyət göstərən “Vətəndaş Cəmiyyətinin Dirçəlişi” İctimai Birliyinin sədri, Marneulidə yaşayan soydaşımız, sabiq deputat Əli Məmmədov deyib.
Onun sözlərinə görə, xarici fondların dəstəyi ilə Azərbaycanın tanıdılması üçün bir sıra tədbirlər həyata keçirilib:
“Yaşadığım Marneuli şəhərinin əhalisinin 85 faizi azərbaycanlılardır. Bu şəhərdə Azərbaycan dilində yayımlanan bir telekanal belə yoxdur. Yaxşı olardı ki, burada radio və televiziya fəaliyyət göstərsin. Hesab edirəm ki, bununla bağlı icmalar müəyyən tədbirlər görməlidir”.
Sabiq deputat qeyd edib ki, problemlərin əksəriyyəti azərbaycanlıların gürcü dilini bilməməsindən qaynaqlanır:
“Gürcüstanda yaşayan azərbaycanlılar heç zaman diaspor olmayıb, çünki onlar yerli əhalidir”.
Xəyalə Zöhrab
Diaspora.TV
Qami
Olmalıdır,Belə olmaz,ermənilər harda 2 erməni olsa,orda diasporaları,birlikləri olur,bəs bizim??
10 May 2024 18:35