“Yaşadığımız müasir dövrdə, informasiya texnologiyaları və internet resurslarından istifadəyə üstünlük vermək lazımdır”.
Bu fikirləri Diaspora.TV-yə açıqlamasında Azərbaycan-Şimali Kipr Dostluq Cəmiyyətinin sədri Orxan Həsənoğlu deyib.
O.Həsənoğlu vurğulayıb ki, ənənəvi diaspor mühiti yavaş-yavaş yerini gənc nəsilə verməkdədir:
“Gənc nəsli bir araya gətirmək və eyni zamanda ənənəvi diaspor fəaliyyəti ilə məşğul olanları da yeni diaspor formatına uyğunlaşdırmaq lazımdır”.
O.Həsənoğlu qeyd edib ki, Azərbaycan diaspor hərəkatının köklü keçmişi var:
“Diaspor tariximizin son 30 ilinə nəzər salsaq görərik ki, əsas enerji və zaman işğal faktının dünyaya çatdırılmasına sərf olunub. Amma bu, eyni zamanda bizim milli-mənəvi dəyərlərimizin təbliğ olunmasına da əngəl törətmiş oldu. Çox yaxşı haldır ki, Zəfər tariximizdən sonra diaspor sahəsində irəliləyiş olduğunu görmək mümkündür”.
O.Həsənoğlu əlavə edib ki, daha güclü təşkilatlanmaq üçün təbliğat-təşviqat məsələlərinə zaman ayırmaq, eyni zamanda digital mühitdə əməkdaşlıq güclənməlidir.
Həsən Hüseynov
Diaspora.TV
